Shorti i Champions League, caktohen çiftet e fazës play-off

nga **Master** Fri Aug 05, 2011 6:01 pm

Sot në mesditë në Nion është bërë tërheqja e shortit për rrethin e ”play-off”-it për hyrje në fazën e grupeve të Ligës së Kampionëve.
Arsenali nuk pati aspak fat në këtë short pasi për kundërshtar nxorri skuadrën debutuese në këtë garë, Udinezen, e cila ka ambicie të mëdha për të hyrë në fazën e grupeve.
Ndërkaq, kampioni i shumëfishtë i Gjermanisë, Bajerni i Munihut duhet ta kalojë sfidën me Cyrihun për t”u përfshirë në fazën e grupeve të garës elite të futbollit evropian.
Dinamo e Zagrebit, ku luan futbollisti kosovar, Fatos Beqiraj, do të ketë punë me skuadrën e Malmos, ku paraqiten dy futbollistë tjerë kosovarë, Dardan Rexhepi e Agon Mehmeti. Ndeshjet e para të këtij rrethi zhvillohen më 16 e 17 gusht, kurse ato të kthimit më 23 e 24 gusht.
Çiftet e rrethit të ”play-off”-it:
Visla Krakov – Apoel
Makabi Haifa – Genk
Dinamo Zagreb – Malmo
Kopenhagen – Viktori Plzen
Bate Borisov – Shturm
Ob-Vilareal
Tuente-Benfika
Arsenal-Udineze
Bajern – Cyrih
Lion-Rubin