Mbi 100 të arrestuar në Londër

Policia britanike ka arrestuar mbi 100 persona, pas një fundjave trazirash dhe plaçkitjesh në Londër.
Autoritetet e rendit thanë se grupet e të rinjve kanë plaçkitur dyqane në disa pjesë të kryeqytetit, ndërsa kanë sulmuar policët dhe u kanë vënë zjarrin automjeteve.
Rreth 35 zyrtarë policorë kanë marrë lëndime.
Dhuna ka shpërthyer në Totenham – një zonë e përzier etnikisht në veri të Londrës – pas vrasjes së një 29-vjeçari në një shkëmbim zjarri me policinë.
Përleshjet janë përhapur më pas në shumë zona të kryeqytetit.