Nokia prezanton modelin 700 Zeta

Ditëve të fundit janë publikuar disa fotografi të modelit të ri të telefonit të kompanisë Nokia, përkatësisht modelin Nokia 700 Zeta.
Tani, duket se prodhuesi i telefonit – Nokia, ka vendosur t’i bëjë publike pamjet e para të këtij modeli, bashkë me disa nga specifikat që i njëjti përmban.

Thuhet se Nokia 700 Zeta mbështetet me sistemin operativ Symbian Belle, i cili mendohet se është versioni i ri i Symbian Anna, ndërsa për këtë model besohet se përmban ekranin e ndjeshëm në prekje me 3.2 inç, teknologji të ekranit – AMOLED, si dhe procesor me 1GHz.

Specifikat tjera të Nokia 700 Zeta përfshijnë edhe kamerën me 5 mega-piksel, si dhe opsionin e pagesave NFC.

Fatkeqësisht, këto janë detajet e vetme që janë bërë të ditura deri më tani, për këtë model. / Telegrafi /

Akoma jan ne perdorim keto lloj telefonash(nokia);nejse qenka telefon interesant