Përdhunon kamarieren shqiptare, arrestohet pronari grek në Lamia

Një shtetas grek u arrestua me akuzën se ka përdhunuar një shtetase shqiptare në moshën 22-vjeçe. Viktimë e abuzimit mësohet se është një kamariere e cila punonte në një bar në Lamia.
Policia tha se personi ë abuzoi seksualisht me shqiptaren ishte pronari i klubit. Ai u denoncua në polici nga vajza shqiptare.
Mediat greke kanë thënë se pronari i barit nuk pranon akuzën. Megjithatë policia arrestoi 57 vjecarin dhe pas kontrolleve gjeti dhe konfiskoi një armë shkarkimi elektrik që ishte përdorur për neutralizimin e vajzës.
Lamioti 57 vjecar është dërguar në zyrën e Prokurorit të Lamias me akuzën e trafikimit, dhunimit, posedim të narkotikëve, posedim të paligjshëm dhe qarkullimin e monedhës së falsifikuar.