Unazën e martesës e gjeti pas 16 vitesh

Leena Paahlson nga Suedia, e gjeti në karotë unazën e martesës, të cilën e kishte humbur para 16 vitesh.
Gruaja e kishte dizajnuar vetë unazën, ndërsa i kishte humbur gjatë pjekjes së ëmbëlsirave në Krishtlindjet e vitit 1995.

Lena, së bashku me bashkëshortin, kërkoi tërë kuzhinën, por nuk e gjeti unazën. Unazën e zbukuruar me diamante nuk e gjeti as kur po rinovonte shtëpinë para disa muajve.

Në tetor po shkulte karotat nga kopshti, kur gjeti diçka në njërën prej karotave. Lena nuk mundi t’i mbajë emocionet kur kuptoi se kishte gjetur unazën e martesës.

“Kemi menduar se unazën e kishte ngrënë një dele të cilën e kemi pasur para 16 vitesh. Nuk e kemi të qartë se si përfundoi unaza në karotë”, ka thënë Lena, për të shtuar se tash e ruan në një vend të sigurt. /Telegrafi/

e bukur kjo...sa mire..