I ftohti e reshjet e borës, mbyllen shkollat në Kukës dhe në Pukë

Reshjet e borës të cilat kanë rënë dhe vijojnë të bien si dhe bllokimi i të gjitha akseve rrugore nacionale e rurale ka detyruar Drejtorinë Arsimore Rajonale në Kukës që të pezullojë procesin mësimor edukativ në të gjitha komunat e Qarkut të Kukësit.
Sipas drejtorit të arsimit në Kukës Ylli Metaliaj bëhet e ditur se mësimi gjatë ditës së sotme ka filluar vetëm në shkollat 9-vjecare dhe të mesme të qytetit të Kukësit si dhe dy apo tre shkolla në disa fshatra të cilat janë shumë pranë qendrave të fshatit, citoi AS.
Kjo sipas Metaliajt ka ardhur pas bllokimit të të gjitha rrugëve që cojnë fëmijët dhe stafet pedagogjike pranë godinave arsimore. Tashmë të gjtha rrugët janë të bllokuara nga dëbora dhe trashësia e saj vjen duke u shtuar cdo cast.
Sa i takon godinave arsimore tek të cilat po vijohet mësimi, Metaliaj ka deklaruar se aty nuk mungon lënda drusore e cila është mjaft e nevojshme në momentin që temperaturat kanë rënë ndjeshëm dhe dëbora po bie papushim. Gjithashtu, është njoftuar se edhe në rrethin e Pukës janë mbyllur shkollat.