I humb topi në Japoni – e gjejnë në Alaska

Një top futbolli, i cili kishte humbur në mars të vitit 2011 gjatë cunamit në Japoni, është gjetur në një ishull të largët të Alaskës dhe do t’i kthehet pronarit të tij, 16-vjeçarit Misaki Murakami, emri i të cilit është i shkruar në të.


BBC raporton se amerikani David Baxter e ka gjetur topin pas më shumë se një vit në një plazh në ishullin Middleton. Gruaja e tij japoneze e kishte përkthyer shkrimin në top, ku përfshihej një emër shkolle dhe një mesazh për fat të mirë.

Topi i ishte dhënë Misakit nga shokët në vitin 2005 kur e kishte ndërruar shkollën, ndërsa ai u ka thënë mediave japoneze se do t’i pëlqente po t’ia kthejnë atë.

“Jam shumë i lumtur se deri më tash nuk kam gjetur asgjë që kam pasur dikur”, ka thënë djaloshi që jeton në qytetin Rikuzen-takata, i cili në vitin e kaluar është goditur rëndë nga cunami. /Telegrafi/

i ka rreth e rrotull botes per xhiro se e ka pas marr malli ndoshta