Arrestohet autori i vrasjes së mbrëmshme në Tiranë

Një person 46 vjeç është vrarë mbrëmjen e së premtes pranë shkollës së mesme “Petro Nini Luarasi” në kryeqytet.Dëshmitarët nga vendngjarja bënë me dije se viktima doli nga një lokal në zonën e Tiranës së Re kur është përballur me atentatorin i cili ka qëlluar ndaj tij me armë zjarri.Viktima quhet Sandro Koliçi, mësohet të ketë qenë person me precedent penal dhe i dënuar në vitin 2006 me katër vite burg heqje lirie nën akuzën e trafikut ndërkombëtar të drogës.Si rezultat i hetimeve policia ka bërë të mundur arrestimin e autorit të vrasjes së Koliçit. Ai është Arif shehu i njohur më parë me emrin Bledi Balliu, 32 vjeç, i dënuar më parë për veprën penale “Trafikim të lëndëve narkotike”.
Nga veprimet e kryera hetimore, rezulton se motivi i kësaj ngjarje të kryer nga Shehu është se Koliçi ka patur dijeni për disa vepra penale te kryera nga autori i kësaj ngjarje. Policia ka sekuestruar një jelek antiplumb, veshje të cilat autori ka mbajtur në momentin e kryerjes së krimit.