Policia e Lezhës ka zbardhur edhe vrasjen e 55-vjeçarit, Prengë Doda, i cili mbeti i vrarë ditën e sotme rreth orës 05:00 të mëngjesit në fshatin Mërçi të Lezhës.

Fillimisht u mendua se bëhej fjalë për një grabitje në shtëpinë e familjes Doda, dhe se grabitësi kishte qëlluar për vdekje 55-vjeçarin.

Por policia konfirmon pas 16 orësh se ka patur grabitjeje dhe se Prengë Doda është vrarë nga i biri 23-vjeçar, Edmond Doda.

Baba e bir kishin dalë në mal të kërkonin bagëtitë, të cilat kishin humbur. Në një moment, Edmond Doda pa diçka të dyshimtë në errësirë dhe qëlloi me armë zjarrit pa e ditur se ishte i ati.

Këtë e ka konfirmuar vetë 23-vjeçari në Komisariatin e Policisë së Lezhës. Mësohet se të dy i ishin afruar stanit në momentin kur ndodhi ngjarja dhe konstatuan se ishte vjedhur njëra nga lopët që mbanin.

/Shekulli Online/E.D./