FIERZE – Lajmifundit – Një anije e vogël me kapacitet 30 vende, është mbytur sot në liqenin e Fierzës.
Ngjarja ndodhi pas mesdite kur mjeti lundrues pati nje defekt teknik. Anija ishte nisur nga Komani në drejtim të Fierzës.
Konfirmohet se nëntë persona që janë mbytur me anijen në fjalë, kanë arritur të dalin ne breg të liqenit me not.
Ata më pas kanë dhënë alarmin për ngjarjen. Sipas burimeve nga policia, kanë qenë vetë udhëtarët ata që kanë ndihmuar njëri tjetrin për të dalë nga anija.Liqeni i Fierzës është përdorur gjatë si vendkalimi i tragetit që lidhte zonën e Tropojës me pjesën tjetër të Shqipërisë.
Me hapjen e tunelit të Kalimashit, transporti drejt Kukësit dhe Tropojës nga pjesa tjetër e vendit ka kaluar në rrugën Durrës-Kukës.
Mirëpo ka banorë të fshatrave pranë Fierzës dhe turistë të cilët ende përdorin mjetet lundruese të liqenit për të udhëtuar nga komani në drejtim të veriut të vendit.