Drejtori i arsimit parauniversitar në Ministrinë e Arsimit, Fatmir Vejsiu tha të hënën se mbi 10 për qind e nxënësve kanë marrë pikët maksimale në lëndën e Gjuhë-Letërsisë të Provimit të Lirimit.

Sipas tij, rezultatet e këtij provimi, tregojnë se niveli i njohurive ka qenë më i mirë krahasuar me vitin e kaluar. Përgjithësisht nxënësit pjesëmarrës kanë marrë nota të mira dhe të nivelit mesatar.

“Mbi 5 mijë nxënës ose mbi 10% e tyre kanë marrë pikë maksimale, ndërkohë që ka dhe rreth 400 nxënës që kanë marrë më shumë se 10 pikë, nga 50 të mundshme”, tha zoti Vejsiu.

Rreth 51 480 nxënësit e klasave të IX-ta morën pjesë në provimet e lirimit gjatë periudhës 15-30 qershor. Provimi i parë i Gjuhë- Letërsisë për të gjithë nxënësit u organizua më datë 17 qershor, ndërsa ai i Matematikës më datë 23, raportoi BW./Telegrafi/

epo normale se kur ishim ne;nuk na i lejuan kopjet;ndersa kur ishin te tjeret ka patur kopjimmasiv