Skaneri i cili tregon trupin e 20-vjeçarit të mbushur me kokainë
Një i ri nga Irlanda do të kalojë një dekade e gjysmë në burg pasi është kapur duke u përpjekur të kalojë një kilogramë kokainë të fshehur në zorrë. 20-vjeçari i cili ndodhej për pushime në Brazil i identifikuar vetëm me inicialet P.B.B u ndalua në aeroportin e Sao Paolos në tentativë për të udhëtuar drejtë Evropës.
Ai e kishte ndarë kokainën në 72 porcione të cilat më pas i kishte gëlltitur. Vlera e drogës nëse shitet në rrugë shkon më shumë se 150 000 euro.
Congonhas, aeroporti i Sao Paolo-s
Rojet e sigurisë kanë dyshuar nisur nga nervoziteti i shfaqur nga irlandezi. Më pas ai është dërguar në spitalin Santa Misericordia ku me anë të skanimit është konfirmuar prezenca e pakove në zorrë.
Prokurorët në Brazil e akuzojnë atë tani për trafik ndërkombëtar të drogës, akuzë me të cilën rrezikon deri në 15 vite burg.
Në aeroportin e Congonhas në Sao Paolo që lidhet me 53 shtete çdo ditë arrestohen rreth pesë persona të cilët përpiqen të kalojnë drogë.