Herën tjetër, kur do të jeni duke ngrënë një akullore në zyrë apo duke konsumuar një lëpirëse duhet të keni parasysh se mund të jeni duke kryer njëkohësisht një ngacmim seksual ndaj kolegëve. Të paktën kështu sugjeron një grup juristësh të cilët kanë kërkuar që të ketë ligje të reja për mbrojtjen nga ngacmimet seksuale ku të përfshihet edhe rasti i femrave që hanë në mënyrë provokative në publik. Skuadra studiuese finlandeze ka publikuar edhe një video ku tregohet një femër e cila konsumon një lëpirëse në ambientet e punës në një mënyrë krejt provokative dhe sugjestionuese. Në videon 1 minutëshe paraqiten edhe kolegët meshkuj dhe mënyra e tyre e reagimit ndërsa femra vazhdon konsumimin e lëpirëses. Në ekran shfaqet pyetja: A është ky një ngacmim seksual? Ekspertët thonë se ngacmimi seksual në ambientet e punës mund të ketë si objektiv meshkuj dhe femrat.