Si të freskojmë trurin

nga **Master** Sat Feb 04, 2012 8:34 pm

Mendoni se truri juaj është lodhur apo ngadalësuar me kalimin e moshës apo si pasojë e kalimit të një sëmundjeje? Mund ta riparoni me ndihmën e disa ushtrimeve të thjeshta.
Sipas një lajmi të publikuar në “Huffingtonpost”, në fillim të viteve ‘80 neurobiologu Michaell Merzenich, i cili sot punon si profesor në universitetin e San Fransiscos në Kaliforni, realizoi një studim me anë të cilit tregoi se truri mund të ndryshojë në varësi të të dhënave të jashtme.
Duke theksuar se kjo metodë ka dhënë rezultate të shumëllojshme, Merzenich pohon se truri mund të përmirësohet vetë pas një dëmtimi neurologjik. Pak kohë më parë Dr. Merzenich dhe grupi i tij filluan të testojnë disa pensionistë lufte për të pare nëse ushtrimet e trurit ndihmojnë në kalimin e traumave në të.
Objektivi thelbësor është përdorimi i një programi që do të ndihmojë në përfitimin e një performance më të mire të trurit të vdekur ose të dëmtuar, derisa truri të fitojë përsëri aftësinë e informacionit.
Rezultatet e para të studimit ishin shpresëdhënëse. Ne do të mund ta edukojmë trurin tone përballë sëmundjeve neurologjike si Alzhaimeri.
Ja 10 rrugët e aktivizimit ose mbajtjes në formë të trurit sipas prof. Merzenich:
1. Ushtroni shikimin tuaj ambientalist: nëse e bëni këtë do të zhvilloni performancën e trurit dhe kjo do t’ju ndihmojë të drejtoni botën në mënyrë të sigurt. Studimet e fundit tregojnë se pas edukimit të fushave të pamjes së shoferëve ata mund të qëndrojnë më gjatë në rrugë dhe të bëjnë më pak aksidente.
2. Mësoni përmendësh një këngë: zhvillimi i zakonit të dëgjimit të kujdesshëm do t’ju ndihmojë të zhvilloni aftësinë e kuptimit, mendimit dhe kujtesës. Përsëritja e këngës apo këndimi i saj prej fillimi kërkon përqendrim dhe një kujtesë aktive. Kur përqendroheni ju lëshoni disa kimikate të cilat mundësojnë strukturimin e memories në mënyrën e dëshiruar.
3. Mësoni një vegël të re muzikore: nëse mësoni një instrument të ri, funksionet e trurit do të ushtrohen në shumë mënyra.
4. Mos qëndroni të lidhur me fjalëkryqet Sudoku apo të tjera: personat të cilët zgjidhnin fjalëkryqet e vështirë Sudoku paraqitën të njëjtën rënie me personat që zgjidhnin fjalëkryqe të thjeshtë.
5. Ulni zërin e televizorit. Shumë njerëz e ngrenë zërin e televizorit sepse kanë një çrregullim në ndjesinë e të dëgjuarit. Nëse zëri i televizorit është i njëjtë me zërin tuaj, atëherë do të mund të kapni çdo fjalë që flisni.
6. Bëni ushtrime me top: bëni ushtrimin e hedhjes dhe kapjes së topit në ajër. Duke bërë këto ushtrime mprihen më shumë aftësitë vizive, të prekjes dhe koordinimi i syve-duarve.
7. Mësoni të përdorni edhe dorën tjetër: nëse përdorni dorën e djathtë provoni të përdorni të majtën kur lani dhëmbët, krihni flokët etj. Aktivitete të tilla do ta aktivizojnë trurin duke bërë ndryshime pozitive. Kur të kontrolloni më mire dorën tjetër, miliona neurone do të mësojnë rrugët e reja.
8. Zgjidhni sipërfaqe të pjerrëta, me ulje e ngjitje, p.sh kalldrëmi: ecja në sipërfaqe të vështira zhvillon sistemin vestibular i cili luan një rol të rëndësishëm në arritjen e ekuilibrit. Në të njëjtën kohë luan një rol kyç në parandalimin e dëmtimeve serioze.
9. Zhvilloni lojërat puzzle (formuese): vendosja e secilës pjesë në vendin e duhur ndihmon në bërjen e një gjimnastike trurit.
10. Bëhuni përsëri fëmijë: filloni të tregoheni të kujdesshëm ndaj botës fizike rreth jush. Përpiquni të gjeni detaje të reja në kushte të ngjashme. Zhvillimi i trurit tuaj do të ndalet në çastin e ndërprerjes së mësimit.