Ç’farë është më e rëndësishme, të duash apo të dashurosh?

nga **Master** Fri Jul 01, 2011 9:18 pm

Shumë prej nesh e ngatërrojnë fjalen DUA me atë DASHUROJ. Në dëgjim të
pare tingëllojnë pothuajse njësoj, por nga rëndësia janë krejt të ndryshme

Të duash nuk do të thotë se dashuron, mund të duash një shok/shoqe etj. Dashuria
që ndiejmë për prindërit apo të afërmit tanë nuk mund të jetë e njëjtë me atë që
ndiejmë për një femër/mashkull. Sepse në këtë të fundit mbizotëron
ndjenja/dëshira erotike për personin që ke përballë. Dashuria kalon në dy faza,
fillimisht lind simpatizimi dhe më pas dashuria. Është e pamundur të dashurosh
dikë që nuk e simpatizon, vlerëson etj.

Pra, kështu lind dashuria, ajo
ndjenjë që na bënë të fluturojmë në qiellin e shtatë, dhe të mos duam të ndahemi
për asnjë çast nga prania e njeriut që dashurojmë me gjithë ZEMËR. Dashuria nuk
përshkruhet, është aq e gjallë, aq e fortë saqë rrezet e saja ndriçojnë në çdo
kohë. Mjafton të shikosh sytë e një të dashuruari, dhe çdo gjë është e
tejdukshme.

Dashuria nuk vdes kurrë, e rëndësishmja është të dish ta
mbash. Dashuria është si lulja, nëse nuk kujdesesh për të ti ofrosh dritë dhe
ujë, THAHET! As vitet që kalojnë nuk mund ta ”vjetërojnë” atë ndjenjë
përrallore, përkundrazi e forcojnë akoma më shumë. OKSIGJENI i ekzistencës sonë
është dashuria. Njeriu në jetë mund të dashuroj disa herë, por për të dashur
ndodh veç NJË HERË.
alblove