Tiranë- E mbijetuara e tragjedisë së Qafë Vishës, Besiana Dani e cila ndodhet jashtë rrezikut për jetën në Spitalin Amerikan, ka rrëfyer sot orët e tmerrit në mjetin fatkeq që ra në 80 metra thellësi.
‘Isha ulur nga fundi, shoferi, nuk e pashë bëri një frenim. Ishim në kthesë, se pashë nëse i ka dalë automjet para. Aty doli jashtë kontrollit. Dy, tre rrotullime. Jo shumë shpejt, por në kthesë duhet të ishte më ngadalë. 30 veta, më shumë se gjysma. Ne e bëmë me qëllim uljen në Himarë dhe presori tha të largohemi të hamë në Porto Palermo, bëmë foto dhe ikëm. Se kam dëgjuar që shoferi ka thënë mbahuni. Asgjë e tillë s’kam vënë re nëse ishte shoferi pa qejf. U nisëm në 7:30. S’di nëse erdhi nga Korça shoferi me këto informacione u mor presori. Edhe njëherë u tremben se desh u përplasem me një makinë, kur u nisëm për në Porto Palermo. Makina tjetër bëri një kalim që sduhej. Shoferi su ul fare në asnjë vend’- rrëfen Besiana.
Vajza shton se ka qënë e vetëdijshme pas aksidentit por nuk ka mundur të lëvizë për shkak të dëmtimit në këmbë. ‘Unë falë personelit këtu jam shumë mirë, dje isha keq. Mbaj mend që gjatë kohes së rrëzimi u bënë 2-3 rrotullime u bë një tip zgavre dhe isha në qëndër të zgavres por nuk tërhiqja dot këmbën, dhe më ndihmuan banorët. Ishte vetëm i fejuari i një shoqeje- shton ajo.
Autobuzi me 33 persona u nis nga Elbasani drejt Sarandës për një ekspeditë por preu në mes ëndrrat e 12 studentëve të universitetit “Aleksandër Xhuvani’ dhe i mori jetën shoferit 56-vjeçar dhe të fejuarit të njerës prej vajzave.
Dorina Bilbili/IDEA/

epo cte bejsh se serish shoferi nuk rezultoi dot ti shpetonte njerezit;ka qen kismet te ndodhte nje gje e tille