Një person ka rënë nga kati i katërt i një pallat mëngjesin e sotëm në zonën e Shallvareve në Tiranë.

Fatmirësisht burri ka arritur t’i shpëtojë aksidentit, pasi ka ngecur në tendën e një dyqani.

Mësohet se i aksidentuari është Pëllumb Xhabej, 50 vjeç, i cili ka rënë nga kati i katërt i një pallati, në zonën e Shallvareve dhe ka ngecur në tendën e një dyqani poshtë pallatit, duke i shpëtuar kështu jetën.

Kanë qenë kalimtarët ata të cilët e kanë zbritur nga tenda dhe ambulanca e ka transportuar për të marrë ndihmë mjekësore. Në momentin që kanë mbërritur zjarrfikësit për ta zbritur nga tenda, ai ishte larguar për në spital.

Ende nuk dihen arsyet nëse rënia e burrit nga pallati ishte aksident apo hedhje me dashje për t’i dhënë fund jetës.

Policia bën me dije se 50-vjeçari është dërguar me autoambulancë në spital për një kontroll mjekësor, pasi rënia nga largësia mund t’i ketë shkaktuar shembje. Gjithashtu ai ka marrë edhe plagë të lehta në trup.

/Shekulli Online/