Fituesi i garës për bashkinë e Tiranës Lulzim Basha tha të premten se do të vazhdojë punën me pasion të madh dhe do të vazhdojë të dëgjojë gjithmonë zërin e qytetarëve të Tiranës.
“Eshtë një gëzim i ligjshëm, sepse kemi korrur një fitore të ligjshme, të ndershme një fitore që është shprehje e drejtpërdrejtë e vullnetit të qytetare të Tiranës”, tha zoti Basha, duke iu drejtuar mbështetësve të tij në selinë e Partisë Demokratike.

Kryetari i ri i bashkisë falenderoi qytetarët e Tiranës që besuan në shumicë, në programin e tij, në projektin për Tiranën evropiane dhe në seriozitetin për ta vënë në jetë këtë sipermarrje të madhe.

“Tirana jonë na bëri ne, që ne ta nxjerrim nga udhëkryqi hallëmadh ku një lloj politike konfliktuale e kishte pushtuar prej kohësh”, tha ai duke ftuar të gjithë qytetarët për bashkim me qëllim punën për të ardhmen e qytetit. “Do të mundohem me mish e me shpirt të mbaj të gjitha premtimet e bëra gjatë fushatës”, nënvizoi zoti Basha./Telegrafi/