Një person tashmë i identifikuar nga policia plagosi sot me armë zjarri një 19-vjeçar në Mbrostar të Fierit.
Policia tha se ngjarja ka ndodhur pas një konflikti mes dy protagonistëve të krimit. Shtetasi Arben Gremi, 19 vjeç mësohet se është transportuar në qytetin e Fierit dhe është dërguar në spital për ndihmë mjekësore ku është jashtë rrezikut për jetën.
Nga ana tjetër mësohet se policia ka identifikuar autorin e ngjarjes dhe e ka shpallur atë në kërkim ku po punon për arrestimin e tij.