Kryeprokurorja Ina Rama tha të enjten se sfida për të përmbushur objektivat e programit “Sfida e Mijëvjecarit” dhe lufta kundër krimit dhe korrupsionit vazhdon dhe puna e deritashme është vetëm fitimi i një beteje.
"Ky projekt pati si qëllim forcimin e bashkëpunimit mes institucioneve. Ngritja e 6 njësive të përbashkëta hetimore, ka patur mbështetje. Objektivat e përcaktuara u përmbushën me sukses. Kemi tregues suksesi, që mund të tregojmë me rritjen e hetimit për cështjet e korrupsionit dhe me rritjen e gjykimit të rasteve të tilla, por sfida vazhdon. Kemi fituar beteja, por jo luftën. Duhet të kemi besim për të ardhmen”, tha kryeprokurorja.

Ministri i Financave Ridvan Bode tha se përsa i përket krimit ekonomik, është rritur cilësia e hetimit dhe ky program po funksionon me sukses. “Evidentojmë se programi po funksionon me sukses. Ka rritur cilësinë e hetimeve dhe përballjen me krimin, është krijuar një klimë e përshtatshme për hetimin e parandalimin e krimit”, tha zoti Bode, raportoi BW./Telegrafi/