Oficeri i komisariatit nr.3 në policinë e Tiranës, Arjan Hoxha, 37 vjeç, akuzohet se ka dërguar në hotele dhe në banesa të ndryshme tri vajzat që i shfrytëzonte si prostituta.
Një veprim të tillë ka qenë duke kryer edhe sot polici 37-vjeçar kur është vënë në pranga nga kolegët e tij.
Arjan Hoxha, 37 vjeç, specialist për hetimin dhe parandalimin e krimit në Komisariatin Nr. 3 në kryeqytet, u arrestua në flagrancë në Durrës, në ambientet e një hoteli, ku ai shfrytëzonte një 23-vjeçare dhe një të mitur për prostitucion.
Sipas policisë, Arjan Hoxha u arrestua në malin e Robit, në Kavajë, pasi në rolin e tutorit kishte lënë për të përfituar dy femra, të cilat pas kryerjes së marrëdhënieve seksuale me të tjerë, përfitonin shumën prej 100 eurosh.
Sipas policisë, ndaj Hoxhës ishte kryer një hetim disamujor, i cili u finalizua sot me prangosjen e tij nga specialistët e Shërbimit të Kontrollit të Brendshëm. Në pranga ka përfunduar edhe njëra nga femrat që ushtronte prostitucion, Xh. H, 23 vjeçe.