Tetë automjete të përfshira në dy aksidente shkaktuan plagosjen e gjashtë personave mbrëmjen e të shtunës në kryeqytet. Sipas policisë, aksidenti i parë ndodhi në kilometrin e 12 të autostradës Tiranë- Durrës, ku 6 automjete u përfshinë në aksident, ndërsa mbetën të plagosur 4 persona.
Shkak është bërë shpejtësia me të cilën udhëtonin një furgon dhe një automjet tip Benz me targa të kryeqytetit. Nga aksidentimi i tyre dhe bllokimi i rrugës, 4 automjete të tjera u përfshinë, kjo dhe për shkak të lëvizjes me shpejtësi.
Si pasojë e ngjarjes së rëndë mbetën të plagosur 3 persona të cilët udhëtonin me furgonin e linjës Durrës-Tiranë si dhe drejtuesi i automjetit tip Benz, të cilët u dërguan menjëherë për në spitalin ushtarak, ndërsa ndodhen jashtë rrezikut për jetën.
Pa kaluar shumë nga aksidenti i parë, kur një tjetër do të rregjistrohej në rrugën 21 dhjetori në kryeqytet. Një automjet tip Renault me targa të kryeqytetit përplasi makinën e patrullës së përgjithshme të policisë, ndërsa si pasojë mbeti i plagosur lehtë oficeri i policisë i cili drejtonte automjetin. Autorët e këtyre aksidenteve janë shoqëruar në polici mësohet se gjendja shëndetësore e 5 të plagosurve është jashtë rrezikut për jetën.