TIRANE – Lajmifundit – Një person i moshës 33 vjeç u gjet i vrarë me armë zjarri sot në Tiranë. Viktima është shtetasi Sokol Doci, i cili është gjetur i vdekur në rrugën “Shyqyri Ishmi”.
Sipas policisë, mësohet se viktima u gjet pa jetë në ora 01: 15 prapa shkollës 9-vjeçare “1 Maji”, në Tiranë, pas mesnatës së djeshme.
Sipas të dhënave të policisë së Tiranës, konfirmohet se 31-vjeçari ka gjetur vdekjen nga goditja me armë zjarri. Në vendin e ngjarjes grupi i hetimit ka gjetur prova që tregojnë se aty është qëlluar terë herë më armë zjarri.
Policia e Tiranës, informoi se për hetimin e kësaj ngjarje, aktualisht është ngritur një grup i posaçëm hetimor, të cilët po kryejnë proçedurat e marrjes në pyetje e veprimeve të tjera hetimore dhe proçeduriale, me synim zbardhjen tërësisht të rrethanave të ngjarjes, motiveve si dhe identifikimin e kapjen e autorëve.
Nga kryerja e veprimeve dhe nga kqyrja e vendngjarjes u sekuestruan në cilësinë e provës materiale 8 copë gëzhoja të kalibrit 7.65mm.
DEKLARATA E POLICISE
Mbrëmë rreth orës 01.15’, në rrugën “Shyqyri Ishmi”, prapa shkollës 9 vjeçare “1 Maji” në Tiranë është vrarë me armë zjarri shtetasi Sokol Sami Doçi, 33 vjeç, banues në Tiranë.
Në vendngjarje shkuan menjëherë, Oficerë të Policisë për Hetimin e Krimeve të Rënda, Ekspert Kriminalist, të cilët bënë të mundur sigurimin dhe kqyrjen e vendit të ngjarjes, duke mbledhur dhe administruar provat.
Për hetimin e kësaj ngjarje, aktualisht është ngritur një grup i posaçëm hetimor, të cilët po kryejnë proçedurat e marrjes në pyetje e veprimeve të tjera hetimore dhe proçeduriale, me synim zbardhjen tërësisht të rrethanave të ngjarjes, motiveve si dhe identifikimin e kapjen e autorëve.
Nga kryerja e veprimeve dhe nga kqyrja e vendngjarjes u sekuestruan në cilësinë e provës materiale 8 copë gëzhoja të kalibrit 7.65mm. Materialet hetimore do t’i kalojnë Prokurorisë së Rrethit Gjyqësor Tiranë për hetime të mëtejshme. Neni 78 dhe 278/2 i KP.