INA—Lajmifundit—Dy shqiptarë mësohet se janë arratisur nga burgu i sigurisë së lartë në zonën e Eisenstadt të Austrisë. Siç citon agjencia “INA” në edicionet e lajmeve të medieve austriake qarkullojnë fotografitë e dy shtetasve shqiptarë, Kastriot Dushi dhe Kastriot Elezi, të cilët para tre ditëve ishin arratisur nga burgu. Në ekspertizën e kryer nga krim-teknika e policisë ka rezultuar se shqiptarët u arratisën me mençuri dhe strategji, duke përdorur mjetet e kuzhinës dhe për t`iu shmangur rojeve të burgut dhe duke ikur përmes vrimave të ventilatorëve të kuzhinës. Policia ka hedhur dyshime se dy të arratisur kanë mundur të largoheshin nga afërsia e burgut me një makinë nga një person i tretë, i cili ka ndihmuar në arratisjen e grupit. Siç bëhet e ditur, dy shqiptarët ishin në listën e ekstradimit të tyre në Shqipëri dhe se ekstradimi do bëhej gjatë muajve të ardhshëm.