Rreth orës 11:00 nga shërbimet e Drejtorisë së Policisë së Qarkut Vlorë është marrë dijeni se në fshatin Kotë të Rrethit Vlorë ka ndodhur një grindje për motive të dobëta nga ku ka ngelur i plagosur me mjete prerëse (thikë) shtetasi A. H., vjec 45, lindur e banues në Kotë i cili rezulton të jetë kthyer sot në Shqipëri nëpërmjet Pikës së Kalimit Kufitar të Portit Vlorë, nga shteti Belg, ku ndodhej si emigrant ekonomik.
Menjëherë nga strukturat Kundër Krimit ndaj Jetës në Drejtorinë e Policisë Vlorë në bashkëpunim me Komisariatin e Policisë Vlorë ka nisur puna për kapjen e autorit të kësaj ngjarjeje, dhe nga puna e bërë brenda një kohe të shkurtër është identifikuar dhe kapur shtetasi Sehit Saliko Kërrutaj, vjec 42, lindur dhe banues në fshatin Kotë (me probleme të shëndetit mendor).
Nga Strukturat e Drejtorisë së Policisë së Qarkut Vlorë është bërë arrestimi në flagrancë i këtij shtetasi, ndërsa personi i dëmtuar A. H, ndodhet i shtruar në Spitalin Rajonal Vlorë në gjendje shëndetsore jashtë rrezikut për jetën.
Materialet procedurale i janë referuar Prokurorisë së Rrethit Gjyqësor Vlorë për kopetencë për veprat penale “Vrasje me dashje” e mbetur në tentativë, dhe “Prodhimi dhe mbajtja pa leje e armëve të ftohta” parashikuar nga nenet 76, 22 dhe 279 të Kodit Penal.