VLORE – Lajmifundit – Një person i moshës 44 vjeç ra në prangat e policisë së Vlorës ditën e sotme pasi ishte shpallur në kërkim me akuzën e tentativës së vrasjes ndaj një 63-vjeçareje.
Policia e Vlorës tha se më datë 17.08.2011 rreth orës 13:50 nga Seksioni Kundër Krimeve ndaj Jetës dhe Lirisë së Personit në Drejtorinë e Policisë së Qarkut Vlorë u bë e mundur kapja dhe ndalimi i shtetasit të shpallur në kërkim Ysmet Ahmet Ahmetaj, vjec 44, banues në Vreshtaz, Fier.
Kapja dhe ndalimi i këtij shtetasi u bë pasi Gjykata e Rrethit Gjyqësor Vlorë ka caktuar masën e sigurisë “Arrest në burg”, pasi dyshohet se më datë 15.04.2011 ka tentuar të vrasë me armë zjarri për motive të dobëta shtetasen S. T., vjec 63, lindur në Ramicë dhe banuese në Mekat, Vlorë.
Materialet procedurale do ti referohen Prokurorisë së rrethit Gjyqësor Vlorë për veprën penale “Vrasje me paramendim” e mbetur në tentativë dhe “Prodhimi dhe mbajtja pa leje e armëve luftarake dhe municionit” parashikuar nga nenet 78/1, 22 dhe 278/2 të Kodit Penal.