Kirobo, roboti i vogël që flet, u nis sot në për gjithësi duke u bërë kështu i pari "robot-astronaut" i këtij lloji që do të prekë hapësirën.

"Rusia ka shkuar e para në gjithësi, amerikanët kanë qenë të parët në Hënë dhe ne dëshirojmë që Japonia të jetë e para që dërgon në gjithësi robotin astronaut, i cili mund të komunikojë me njerëzit", ka thënë Joriçika Nishimia, menaxherja e projektit të Kirobo-s.

Fjala Kirobo rrjedh nga kombinimi i dy fjalëve japoneze që do të thonë shpresë dhe robot.

Ky robot është rezultat i bashkëpunimit të agjencisë së marketingut "Dentsu", qendrës për hulumtimin dhe përparimin e shkencës dhe teknologjisë të Universitetit të Tokios dhe i kompanive "Robo Garage" e "Toyota Motor Corp".

Raketa në të cilën gjendet Kirobo, është hedhur nga Tanegashima, në jugperëndim të Japonisë dhe është në rrugë për në Stacionin Ndërkombëtar të Gjithësisë .

Dizajnuesit e Kirobo-s kanë thënë se ai "do t’i bëjë shoqëri" astronautit Koiçi Vakati dhe do të komunikojë me robotët tjerë në tokë.

/Shekulli Online/Përgatiti: E.D/