Me dhjetë muaj burg u ndëshkua një shqiptar 25 vjeçar nga VVinterthuri i cili ka fyer dy efektiva policie. Gjykata e Lartë e Zyrihut dha një dënim me dhjetë muaj burg dhe gjobë 5400 franga ndaj të riut, i cili ka pështyrë policët pas një debati me ta.
Në janar të vitit 2009 dy policë kishin trokitur në derë të shtëpisë ku ai kishte shkuar mysafir, për t`i thënë që ta hiqte makinën nga rruga, sepse kishte parkuar në mënyrë të parregullt.
ai u është përgjigjur me sharje e kërcënime policëve mirëpo nuk ka ndaluar me kaq. Shqiptari nga Kosova i ka pështyrë pështyn policët, të cilët provojnë ta bllokojnë me “pfefferspray”.
Gjatë shqyrtimit të çështjes gjykata vërejti se i riu kosovar kishte një çështje të mëparshme, të hapur me ligjin. Për këtë gjykata e qarkut në VVinterthur, në tetor të vitit të kaluar ia kishte shqiptuar atij një dënim për dhunë dhe kërcënim të ushtruar ndaj policëve me 6 muaj heqje lirie. Gjykata në fjalë me këtë rast i kishte aktivizuar edhe dënimin e mëparshëm me kusht prej 10 muajsh burg.
Pas ankesës së bërë, Gjykata e lartë e Cyrihut tani ia ka shndërruar gjashtë muajt e burgut në gjobë. Kështu, 25 vjeçari duhet të paguajë 180 njësi nga 30 franga, që i bie gjithsej 5400 franga.
Masën ndëshkuese prej dhjetë muajsh me burg që ai e kishte nga dënimi i mëparshëm me kusht, duhet ta mbajë në sistemin e burgut gjysmë të mbyllur (nata kalohet në burg ndërsa dita në aktivitetet normale).lajmifundit