Sipas gazetës “Ekspres” serbët e organizuar në veri kanë sulmuar me armë zjarri pjesëtarët e njësitit special. Në këtë sulm mbeti i plagosur në kokë një polic kosovar. Burime nga policia bëjnë të ditur se plagosja është bërë nga një snajper.
Ministri i Brendshëm i Kosovës, Bajram Rexhepi në një konferencë urgjente për mediat pohoi se pikat doganore 1 dhe 31 në veri të Kosovës janë nën kontrollin e Policisë së Kosovës. Qarkullimi i lirë i qytetarëve tashmë vazhdon normalisht përjashto këtu kamionët serbë.
Rexhepi bëri të ditur se gjatë aksionit, një polic është plagosur nga një lëndë plasëse. Ai foli edhe për disa lëndime të tjera më të vogla të policëve të shkaktuara nga hedhja e xhamave dhe gurëve prej anës së serbëve lokalë. Rexhepi tha se duke marrë parasysh peshën e aksionit, dëmi është minimal.