Tirane – Lajmifundit – Gjykata është shprehur se e ka dënuar me tri vjet burg për në fakt, Kostandin Xhuani, djali i aktores Luiza Xhuvani, do të vuajtë vetëm dy vjet burg për akuzën e vrasjes në kushtet e vetëmbrojtjes së nevojshme.
Ngjarja për të ciln akuzohet Xhuvani ndodhi më 12 shkurt 2011 në qytetin Studenti ku shtetasi Alfred Musabelli u vra me plumb në kokë me pistoletë. Vendimi i gjykatës është dhënë ditën e djeshme nga trupi gjykues që deklaroi se Kostandin Xhuvani është vetëdorëzuar në polici, ka paraqitur edhe armën e krimit e madje ka shprehur pendesë të thellë.
Këto faktorë kanë shërbyer për lehtësimin e dënimit ndonëse i akuzuari, qëndroi i fshehur ndaj policisë për disa muaj në një adresë të panjohur derisa u vetëdorëzua me vullnetin e tij pak ditë para se ti ndryshonte akuza nga vrasje me dashje në vrasje në kushtet e vetëmbrojtjes.
Akuza ka thënë se vrasja ndodhi në rrugën “Ali Visha” në Qytetin Studenti në Tiranë. Xhuvani ka qenë në banesën e mikut të tij, Albi Zela, kur aty ka ardhur i ndjeri Alfred Musabelli, i shoqëruar nga dy persona të tjerë.
Dy shoqëruesit e tij kanë pritur jashtë portës, ndërsa Musabelliu është futur në oborrin e banesës, për të sqaruar një konflikt që kishte pasur me Albi Zelën. Aty ai është përleshur me Zelën por i pranishëm në zënkë ishte edhe Xhuvani.
Në një momente tensioni ka shkrepur një armë në drejtim të 26-vjeçarit Musabelliu, duke e vrarë atë pasi e qëlloi me një plumb në ballë.