Gjermani: Puthja akt terrorist?!

Shoqata gjermane “Knigge” kërkoi që të ndalohet puthja në faqe ndërmjet kolegëve të punës, me arsyetimin se kjo dukuri është një lloj “akti terrorist”. Kjo shoqatë, e cila veten e quan pararoje të sjelljeve morale, mendon se puthja në zyra me vite ka ndryshuar formë dhe po bëhet gjithnjë e më agresive.
Përshëndetja në stilin francez ka hutuar dukshëm shoqërinë gjermane, ku kolegët shpesh e kalojnë orarin e punës duke iu drejtuar njëri tjetrit me fjalët “Sie” (Ju) në vend të “Du” (ti). Tash “Knigge” angazhohet për heqjen e kësaj dukurie, pasi thonë se kanë marrë thirrje nga gjermanët të cilët kërkojnë këshilla se si duhet reaguar kur dikush i puthë ata në shenjë përshëndetje.

Kryetari i shoqatës Hans-Michael Klein i tha gazetës britanike Times se “kjo dukuri duhet ndërprerë menjëherë dhe nuk duhet lejuar kurrfarë puthjesh, të paktën jo në vendin e punës”. “Shumica dyshojnë se mos ndoshta gjatë këtyre puthjes ekzistojnë edhe komponentë erotikë. Puthja thjeshtë nervozon shumë njerëz në punë. Ky është një lloj akti terrorist”, tha Klein.

Hhahaha cfar spo ndegjojme

Cuna puthni ne buze se ne faqe ju fusin brenda

aahahahahaa cfare budallenjsh na dolen keto gjermanet