I nxehti “djeg” SHBA-në

Miliona njerëz në mbarë pjesën verilindore të Shteteve të Bashkuara janë prekur nga temperatura të larta që shkuan mbi 40 gradë celsius dhe arritën nivele rekord në shumë zona.
Niveli i lartë i lagështisë bëri që nxehtësia të ndjehej si të ishte më shumë se 45 gradë celsius në Nju Jork dhe qytete të tjera. Zyrtarët paralajmëruan njerëzit të shmangin me sa të mundin punën jashtë dhe nëse do ta ndiejnë të nevojshme, të kërkojnë vendstrehime me kondicionerë.

Vala e të nxehtit gjatë kësaj jave ka shkaktuar vdekjen e disa personave. Temperaturat e larta duket se nuk do të kursejnë edhe verilindjen e Shteteve të Bashkuara. Në Uashington, termometri pritet të shënojë 40 gradë celsius.