Kinezi do të ecë 1600 kilometra për ta fituar zemrën e një vajze

Kinezja e cila është adhuruese e madhe e grupit “Proclaimers” si në mahi i tha të dashurit të saj se do të martohej me të vetëm nëse ai ecë 1.600 kilometra, që përmendet në njërën nga këngët e grupit.

Ling Hsueh (23 vjeçare) komentoi vargjet e dyshes së grupit skocez nga kënga “500 miles” pasi që Liu Peiwen (29 vjeçar) i propozoi asaj fejesë.

Refreni i këngës vazhdon kështu: “Por unë do të ecja 500 milje, edhe 500 milje më shumë, vetëm për tu bërë njeriu që ka kaluar 1000 milje për tu rrëzuar para pragut tënd”. Por para se Ling të thoshte se ishte mahitur, Liu u bë gati vendosi çantën në shpinë dhe filloi maratonën nga provinca Henan.

“Largësia prej këtij vendi deri tek qyteti i lindjes së të dashure së tij në provincën Guangdong, në juglindje të Kinës, është saktë 1600 kilometra ose 1000 milje. Kur të arrij atje shpresoj se ajo do të më presë dhe sërish do ta pyes nëse pranon të martohet me mua, shpresoj se do të pranojë”, tha Liu.

Sipas mediave kineze Ling tha se gjithsesi ajo do të martohet me të, por vetëm ishte mahitur kur kishte përmendur ecjen.