Vdekja e foshnjës 11 muajsh, dosja në prokurori për mjekim të pakujdesshëm

DURRES – Lajmifundit – Me akuzën “mjekim i pakujdesshëm”, policia e Durrësit tha se ka referuar në prokurori dosjen penale në lidhje me ngjarjen e vdekjes së fëmijës 11-muajsh që i paraqit në pediatrinë e këtij qyteti e më pas u nda nga jeta në Spitlain Ushtarak.
Policia e Durrësit me anë të një deklaratë informoi sot se një foshnje 11 muajshe nga Durrësi ka gjetur vdekjen mbrëmjen e te premtes, pasi ishte sjelle me urgjence ne Spitalin Ushtarak ne Tirane.
Policia e Durrësit ka njoftuar fillimin e hetimeve për rastin ne fjale, pasi prindërit e fëmijës denoncuan faktin se foshnja nuk kishte marre mjekimin e duhur ne pediatrinë e qytetit bregdetar. Prindërit kanë thënë se ne këto kushte, ata u detyruan ta sillnin vajzën ne Tirane, por ajo nuk mbijetoi. Sipas policisë, nga hetimet e para rezulton se personeli shëndetësor ka konsumuar veprën penale te “mjekimit te pakujdesshëm”, e qe tani do te verifikohet nga Prokuroria. Ndërkohë, po vazhdon kryerja e ekzaminimit mjeko-ligjor me qellim saktësimin e shkaqeve te vdekjes, përfshirë këtu edhe trajtimin mjekësor te dhënë nga personeli i dy spitaleve.