Durrës, i kapi duke i përdhunuar vajzën, dy manjakët plagosin babain

Durres – Lajmifundit – Policia e qytetit bregdetar ka shpallur në kërkim dy persona të cilët dyshohet se kanë kryer veprën penale për tentativë përdhunimi ndaj një vajze 23 vjeçare.
Burimet zyrtare të policisë thanë se të kërkuarit janë identifikuar si Martin Prenga, 32 vjeç dhe Agustin Shkurti, 22 vjeç, të dy banues në lagjen Nr. 15 në Durrës.
Ata dyshohet se rreth orës 02.30, kanë hyrë në banesën e një 23-vjeçareje dhe kanë tentuar të kryejnë marrëdhënie seksuale me dhunë me të. Agresorët nuk ja kanë arritur qëllimit pasi janë ndaluar nga babai i viktimës i cili ka marrë dhe disa plagë gjatë përleshjes fizike me dy autorët e ngjarjes.
Policia e Durrësit deklaroi sot se po punohet për kapjen e dy shtetasve të dyshuar si autorë të ngjarjes.