Tirane – Lajmifundit – Policia e Tiranës me anë të një deklarate flet për vrasjen e shtetasit Arjan Selimi mbrëmjen e djeshme rreth orës 19.20’, ngjarje e ndodhur në rrugën “Stavri Themeli”.
Shpresa e hetuesve është shtetasi Klevis Kola i cili është plagosur në vendin e ngjarjes e që mund të japë ndihmë për hetimin pasi është jashtë rrezikut për jetën.
Policia theksoi se në këtë kohë, është vrarë me armë zjarri, shtetasi Arjan Selimi (Armand Andoni), 37 vjeç, banues në rrugën ‘Stavri Themeli” Tiranë, i proçeduar më parë për “Trafikim të lëndëve narkotike”, si dhe është plagosur shtetasi Klevis Paulin Kola, 20 vjeç, banuse në Tiranë.
Menjëherë në vendngjarje shkuan shërbimet e policisë së Komisariatit të Policisë Nr.2 Tiranë, u formua grupi i posaçëm hetimor i cili kreu veprimet e para hetimore dhe proçeduriale duke shoqëruar dhe pyetur persona që kanë dijeni për këtë ngjarje, theksoi policia.
Sipas saj, 20 – Vjeçari Klevis Kola, i cili ishte kalimtar në vendngjarje, aktualisht ndodhen nën kujdesin e mjekëve në Spitalin Ushtarak Tiranë jashtë rrezikut për jetën.
Në vendngjarje u kryen veprimet proçeduriale si kqyrja e vëndit të ngjarjes duke mbledhur dhe administruar provat ndërsa në cilësinë e provës materiale në vendngjarje u sekuestruan 20 copë gëzhoja mod.56, kal.7.62 mm.
Në bashkëpunim me Prokurorinë e Rrethit Gjyqësor Tiranë po punohet intesivisht në drejtim të zbardhjes së motiveve të kësaj ngjarje si dhe identifikimin dhe kapjen e autorëve. Materialet do t’i kalojnë Prokurorisë, për veprime të mëtejshme. Nenet 79/dh dhe 278/2 të Kodit Penal.