Fier, gjendet snajper e drogë në banesë, arrestohet 22-vjeçari

Armë me silenciator janë bllokuar sot nga policia e Fierit gjatë aksionit të koduar me emrin “Snjaperi”. Burimet zyrtare thanë se armët janë zbuluar në banesën e shtetasit F.XH. Një snajper izraelit G 3, një pistoletë të tipit “Zastava”, një pistoletë automatike e tipit “Skorpions”, të tre këto armë ishin të pajisura me silenciator janë sekuestruar në banesë. Policia tha nse aty janë kapur dhe 110 gram heroinë dhe dy peshore farmaceutike të masave të ndryshme.
I arrestuar ka mbetur nipi i 44-vjeçarit F.XH, Eni Xhelaj, 22 vjeç i cili ka qenë në shtëpinë e dajës gjatë operacionit të policisë.