This is a Hitskin.com skin preview
Install the skin • Return to the skin page
Matura, publikohet formulari A2
Faqja 1 e 1
Matura, publikohet formulari A2
Agjencia Kombëtare e Provimeve publikoi të premten në mbrëmje formularin A2 dhe udhëzimin për plotësimin e saktë të tij.
Sipas udhëzimit, maturantët do të dorëzojnë në shkollë formularin origjinal të plotësuar me preferencat e tyre, nga ku ata mund të zgjedhin jo më shumë se dhjetë programe studimi dhe, nëse maturanti dëshiron, mund të plotësojë edhe më pak se dhjetë preferenca, pa harruar këtu, renditjen sipas preferencave dhe vendosjen e kodeve që përfaqësojnë programet e studimit, raportoi e përditshmja Shqip.
Udhëzimi gjithashtu sqaron se një maturant do të shpallet fitues vetëm në një nga programet e studimit që ka zgjedhur sipas parimit Meritë-Preferencë, ku parimi i meritës përcaktohet sipas pikëve të grumbulluara në bazë të rezultateve të shkollës së mesme, provimeve të maturës dhe, për disa programe studimi, edhe në bazë konkurseve të pranimit. Ndërsa, parimi i preferencës përcakohet nga preferenca më e lartë e zgjedhur prej tyre. Pra, maturanti kandidat mund të arrijë nivelin e fituesit në disa programe studimi të përzgjedhura prej tij, por ai shpallet fitues në preferencën më të lartë të këtij grupi.
Institucionet publike të arsimit të lartë, për të cilat maturantët duhet t’u nështrohen konkurseve të pranimit janë: Universiteti i Arteve dhe Universiteti i Sporteve në Tiranë, programet “Arkitekturë (Arkitekt)” dhe “Arkitekturë (Urbanist)” në Universitetin Politeknik të Tiranës, programet Edukim Fizik dhe Sporte dhe Pikturë-Grafikë të Universiteti Luigj Gurakuqi në Shkodër dhe programet e studimit të Fakultetit të Studimeve të Integruara me Praktikën të Universiteti “Aleksandër Moisiu” Durrës./Telegrafi/
Similar topics
» Formulari A2, publikohet udhëzuesi, procedurat që duhen ndjekur nga maturantët
» Matura shtetërore, 9 për qind e nxënësve ngelës, formulari A2 brenda javës
» Matura, plotësimi i formularit A2, fundi i javës që vjen
» Matura shtetërore, 9 për qind e nxënësve ngelës, formulari A2 brenda javës
» Matura, plotësimi i formularit A2, fundi i javës që vjen
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi
|
|