Shkëndija, ndeshet me Partizanin e Beogradit pa tifozë në Serbi

nga **Master** Wed Jul 13, 2011 5:35 pm

Kampionia e Maqedonisë, Shkëndija e Tetovës, sonte duke filluar në orën 20.45 në Beograd do të ballafaqohet më Partizanin në kuadër të rrethit të dytë të Ligës së Kampionëve. Ky takim është i ngarkuar politikisht dhe më rrezik të madh, për faktin se do të përballet një skuadër shqiptare me një skuadër serbe.
Pikërisht për shkak se ky takim është i ngarkuar mjaft shumë politikisht, Shkëndija do të luaj në Beograd, pa praninë e tifozëve të vet “Ballistëve”.
Trajneri i tetovarëve, Qatip Osmani beson se skuadra e tij do të shfaq ndeshje të mirë në këtë takim të jetë të rëndësishme për skuadrën e tij. Madje, ai shpreson se të përzgjedhurit e tij mund të marrin rezultat të favorshëm.
“Eshtë ndeshja e parë ndërkombëtare dhe jemi të vetëdijshëm për rëndësinë e këtij takimi. Partizani është favorit, por nga skuadra im pres paraqitje të mirë. Nëse do të luajmë si në edicionin e fundit, jam optimist se në këtë takim do të mund të marrim rezultat të favorshëm”, ka thënë Osmani.lajmifundit