22-vjeçarja prostitutë në Itali, ekstradohet në Tiranë tutori

nga **Master** Wed Aug 10, 2011 7:36 am

Tirane – Lajmifundit – Zyra Qendrore Kombëtare Interpol Tirana, më datën 09.08.2011 realizoi ekstradimin nga Milano, Itali në drejtim të Shqipërisë, për shtetasin shqiptar, të shpallur në kërkim ndërkombëtar, Enea Artur NGRESI, vjeç 22, lindur në Fier.
Lajmi u bë i ditur nga policia e shtetit e cila theksoi se Gjykata e Rrethit Gjyqësor Fier, me vendimin nr.172, datë 17.03.2011, ka caktuar ndaj shtetasit Enea NGRESI, masën e sigurisë “Arrest në burg“, për kryerjen e veprës penale të “Shfrytëzimit të prostitucionit“, parashikuar nga neni 114/a i Kodit Penal.
I kërkuari Enea Ngresi akuzohet se më datë 18.02.2011, është nisur në drejtim të Italisë duke marrë me vete nëpërmjet mashtrimit shtetasen shqiptare, F. Sh. Pas mbërritjes në Itali, ky shtetas e ka detyruar shtetasen e mësipërme që të ushtrojë prostitucion, fillimisht në një
lokal, dhe më pas në rrugë.
Shtetasja e F. Sh. ka mundur të largohet pas dy muajsh nga i kërkuari Enea Ngresi, duke u kthyer në Shqipëri. Si rezultat i bashkëpunimit të Interpol Tirana me Interpol Roma, më
datë 19.06.2011, u bë i mundur arrestimi në Itali i shtetasit Enea Ngresi me qëllim ekstradimi drejt vendit tonë.
Në aeroportin “Nënë Tereza” në Rinas ky shtetas i është dorëzuar përfaqësuesve të Drejtorisë së Përgjithshme të Burgjeve.