Norvegji, Breivik: Flas për sulmet por të dorëhiqet qeveria

Anders Behring Breivik, autor i sulmeve të përgjakshme në Norvegji kërkon largimin e qeverisë aktuale në këtë vend dhe si shkëmbim premton se do të flasë pa rezerva për skenarin e sulmeve terroriste.
Ai ka ka kërkuar si kushte dorëheqjen e qeverise norvegjeze dhe rrëzimin nga froni te mbretit Harald V, për ti dhënë policisë me shume detaje ne lidhje me sulmet qe u morën jetën 76 personave.
Personazhi 32-vjeçar, i konsideruar si ekstremist ka kërkuar gjithashtu edhe dorëheqjen e drejtuesve me te larte te ushtrisë, duke kërkuar qe te emërohej ai ne drejtimin e forcave te armatosura. Mediat norvegjeze raportojnë se gjithë këto kërkesa i janë bere policisë gjate seancës se dyte te marrjes ne pyetje, ditën e premte.
Këto kërkesa iu mohuan ne mënyrë kategorike, ai pranoi edhe njëherë vrasjet, ndërsa nuk dha detaje te mëtejshme ne lidhje me ekzistencën e dy celulave, qe sipas Breivik e kishin ndihmuar për te realizuar sulmet.
Brejvik po mbahet ne izolim ne një burg te sigurisë se larte, ndërsa masa e tij e arrestit do te shtrohet çdo tete jave, ne pritje te fillimit te gjyqit. Dy psikiatër po vlerësojnë gjendjen e tij mendore, ndërsa raporti i tyre pritet t’i paraqitet gjykatës ne 1 nëntor.