Aksident tragjik në Skrapar, 6 viktima

Gjashtë persona humbën jetën në mbrëmje në një aksident të rëndë pasi makina e tyre u rrëzua në kanionet e lumit Osum në rrethin e Skraparit.
Sipas të dhënave të para të policisë, një automjet tip fuoristradë me targa angleze, humbi kontrollin dhe ra në humnerë.
Sipas policisë emrat e viktimave janë, Vladimir Dulellari 26 vjec, drejtues i mjetit, Fatjon Feka 23 vjec, Eni Guri 21 vjec, Xhulio Allko 19 vjec, Edison Cuko 26 vjec dhe Drilon Guri, 24 vjec trupi i të cilit nuk është gjetur ende.
Kanë nisur hetimet paraprake për zbardhjen e plotë të ngjarjes dhe shkaqeve që cuan në aksidentin e rëndë. Dyshimet e para janë për pakujdesi në drejtimin e automjetit.
Aksident në Gjirokastër-Tepelenë, 1 i vdekur
Tjetër aksident i rëndë rrugor. Këtë herë në aksin Tepelenë-Gjirokastër një person ka humbur jetën dhe një tjetër ka mbetur i plagosur.
Sipas njoftimeve paraprake një automjet me targa TR 0881 T doli nga rruga duke rënë nga një lartësi prej 30 metrash.
Për pasojë ka gjetur vdekjen shtetasi Denis Lamka 26 vjec dha ka mbetur i plagosur Arnaldo Guma, 23 vjec, që mendohet se ishte edhe drejtuesi i mjetit.