Bulqizë, 15-vjeçari qëllon me armë brenda shkollës

Bulqize – Lajmifundit – Një ngjarje e rëndë ka ndodhur sot në një shkollë në Bulqizë. Lajmi bëhet i ditur nga policia lokale e cila theksoi se ka pasur të shtëna armësh në shkollën e fshatit Shupenzë.
Sipas burimeve nga vendi i ngjarjes, njoftohet se një 15-vjeçar, ka qëlluar me armë në ajër brenda ambienteve të shkollës duke shkaktuar panik tek nxënësit e tjerë.
Policia ka shkuar menjëherë në vendin e ngjarjes dhe ka shoqëruar adoleshentin në rajon. Hetuesit kanë nisur verifikimin e ngjarjes e cila ka mbetur ende mister pasi shkaqet e të shtënave me armë ende nuk dihen.