21 janari, Tiranë, gjykata liron gardistin: Plumbi nuk doli nga arma e tij

Gjykata e Tiranës vendosi sot lirimin e oficerit të Gardës Sadik Çela nga masa e arrestit burg pa afat në të cilën ishte lënë për shkak të akuzës në lidhje me vrasjet e ndodhura më janar në protestën e opozitës në Tiranë.
Gjykata e kryeqytetit vendosi sot masën e sigurisë detyrim paraqitje për gardistin. Trupi gjykues theksoi se sipas akt-ekspertizës plumbi që ka vrarë një nga protestuesit i 21 janarit nuk ka dalë nga arma e gardistit Sadik Çela.
Pak ditë më parë gjykata e Lartë kishte vendosur masën e sigurisë arrest me burg për 30 ditë nga gardistit Sadik Cela. Kjo masë sigurie u vendos ndaj tij në ndryshim të masës së vendosur nga gjykata e apelit detyrim paraqitje.
Sadik Çela ka qenë anëtar i grupit të zjarrit, që ishte vendosur para kryeministrisë në Tiranë gjatë protestës së opozitës më 21 janar.