Blerja e helikopterit VIP për 5.3 milion euro, Komisioni i Sigurisë jep “ok”

nga **Master** Tue Jul 12, 2011 9:10 am

TIRANE—Lajmifundit—Komisioni Parlamentar i çështjeve të sigurisë kombëtare ka miratuar sot propozimin e sjellë nga Ministria e Mbrojtjes për blerjen e një helikopteri VIP. Anëtarët e komisionit ashtu sikurse ishte shprehur edhe ministri Arben Imami në relacion vlerësonin se është e nevojshme që për operacionalitet lëvizjeje të mund të sigurohet një helikopter VIP. “Eurocopter” ka negociuar kontratën e blerjes së këtij helikopteri i cili mësohet se kushton 5.350.000 milion euro. Pagesa do të bëhet me këste dhe një shumë prej 500 mijë eurosh do të paguhet sapo të jetë firmosur kontrata. Pagesa e plotë do të jepet nga shteti shqiptar brenda vitit 2012. Sakaq, pala shqiptare ka tanimë një kontratë për blerjen e katër helikopterëve të tjerë por helikopteri VIP përbën një shtesë kontrate.