Tutor i dy prostitutave në Durrës, arrestohet oficeri i policisë së Tiranës

TIRANE – Lajmifundit – Oficeri i policisë arrestohet duke shfrytëzuar dy vajza për ushtrim prostitucioni. Policia e Tiranës ka bërë me dije arrestimin e 37 vjeçarit, Arjan Hoxha me arsim të lartë juridik, specialist për hetimin dhe parandalimine e krimit në Komisariatin Nr. 3 në kryeqytet.
Në një deklaratë të policisë thuhet se oficeri i policisë “Arjan Hoxha u arrestua në malin e Robit, në Kavajë pasi në rolin e tutorit kishte lënë për të përfituar dy femra, të cilat pas kryerjes së marrëdhënieve seksuale me të tjerë, përfitonin shumën prej 100 eurosh. Arrestimi i tij u krye pas punës hetimore”, thekson deklarata.
Sipas saj, policia ka bërë të mundur edhe arrestimin e shtetases, Xh. H 23 vjeç. Oficeri i policië mësohet se kishte disa kohë që i shfrytëzonte vajzat për prostitucion duke i dërguar në hotele të ndryshme sipas porosive që merrte nga klientët.