Gjirokastër, zjarri 30 metër nga banesat, evakuohen banorët e Lugarit

Zjarret nuk e lënë rehat Gjirokastrën. Në largësi vetëm 30 metra nga banesat një tjetër vatër zjarri e rrezikshme është shfaqur mbrëmjen e sotme në zonën e Dropullit në Gjirokastër.
Flakët kanë përfshirë mbrëmjen e sotme fshatin Lugar. Sipas policisë, zjarri po përhapet me shpejtësi i favorizuar edhe nga era e fortë në zonë.
Në vendngjarje ka mbërritur një zjarrfikëse kurse policia flet për një terren të vështirë për ndërhyrje.
Zjarri ndodhet vetëm 30 metra larg zonave të banuara. Nisur nga ky fakt, policia ka vendosur të evakuojë banorët e fshatit.
Policia bën me dije se ngjarjet duken zjarrvënie të qëllimshme pasi flakët po shpërndahen aty ku janë shuar më parë.