Mbërrijnë në Tiranë përfaqësuesit e minatorëve, takimi në 12:00

Përfaqësuesit e minatorëve të Bulqizës, të cilët pritet të takohen sot me drejtuesit e kompanisë ACR për të arritur një marrëveshje për kërkesat e tyre, kanë mbërritur në Tiranë.
Minatorët do të përfaqësohen nga 6 sindikalistët Luan Nika, Kujtim, Bushi, Sali Alliu, Fiqiri Shkina, Sadik Kamishi dhe Xhemal Meta, ndërsa në takim nuk do të jetë kreu i konfederatës së sindikatave Kolë Nikolla.
Takimi pritet të zhvillohet në orën 12:00 në ministrinë e Punës, por burime nga kjo ministri thanë se nuk ka ndonjë njoftim për një takim të tillë mes minatorëve dhe përfaqësuesve të kompanisë ACR, raportoi Ora News.
Ndërkohë, minatorët do të kërkojnë në takim, hapjen e thellësisë së minierës, rritjen e pagës nga 40 përqind, përmirësimin e kushteve të punës dhe largimin e drejtorit të minierës.