Islami: Rama të bashkohet me LSI-në

Deputeti socialist, Kastriot Islami tha se nëse “Edi Rama nuk reflekton, PS-ja do të humbë edhe zgjedhjet e 2013-ës”.
Deputeti socialist, Kastriot Islami tha për News 24 se kryetari i Partisë Socialiste Edi Rama, duhet të bashkojë të majtën dhe veçanërisht duhet të bashkohet me LSI-në. “Rama ka mentalitetin e revolucionit kulturor të Mao Ce Dunit”, tha zoti Islami, duke shtuar se nëse “Edi Rama nuk reflekton, PS-ja do të humbë edhe zgjedhjet e 2013-ës”.

I pyetur se çfarë do të bëjë nëse nuk zgjidhet në strukturat e partisë, zoti Islami tha se “do të qëndroj në PS, madje më fort, sepse jam socialist më i mirë se Rama". "Nuk jam si servilët e Ramës, por do ta them publikisht mendimin tim”, tha ai, duke shtuar se do të jetë "deputet në 2013-ën”. “Nuk më heq dot zoti Rama nga deputet”, tha ai. /Telegrafi/