Plazhi Velipojë, 100 lekë taksë hyrjeje nga korriku

Komuna e Velipojës ka vendosur që duke filluar nga 1 korriku të vendosë aplikimin e një takse hyrjeje prej 100 lekësh për të gjitha automjetet që do të hyjnë në plazhin e Velipojës.
Ky ishte vendimi i parë që mori këshilli i kësaj komune menjë herë pas konstituimit, vendim i cili miratua me shumicë votash me argumentimin se kështu do të rriteshin investimet në plazhin e Velipojës.

Mbledhja e taksës do të bëhet nga një grup pune të ngritur enkas dhe një postoblloku të vendosur dy kilometra pa hyrë në plazh.

Të parët që kanë reaguar kanë qenë pronarët e lokaleve dhe hoteleve të cilët mendojnë se kjo mund të largojë pushuesit, por edhe sepse pushuesit mund të dalin e të hyjnë dy-tre herë në ditë dhe nuk mund të paguajnë këtë taksë sa herë e kalojnë postobllokun.

Një pikëpyetje tjetër për taksën e re, është fakti se taksa të tilla janë normale në zona të shpallura ‘Park Kombëtar’, ndërsa plazhi i Velipojës është thjesht plazh publik, ndaj dhe pritet ende shprehja e ligjshmërisë së këtij vendimi nga prefekti i Shkodrës, raportoi e përditshmja Panorama./Telegrafi/

mesa duket dashkan ti nxjerrin njerezit dificit;ose duan te fitojn same shum lek ne kurriz; te popullit te shkrete